Hey Zämme
Mir sind Toaster, gnauer gseit die mörderische Toaster. Wie mir uf üsen Gruppename cho sind, wüssed mir selber nöd würklich. Uf all Fäll sind mir voller Energie wie en Toaster, toasted Jubla-Scene so richtig und sind eifach zu wild! Mir bestönd momentan us sechs Jungs im Alter vo 8 bis 9 Johr. Üserni Gruppestunde sölled immer voll mit Action und viel Spass verbunde sii, worum mir au viel en Nochmittag im Wald verbringed und üs vollgas ustobe chönd. Wenn mir’s mol achli entspannter nehmet verbringet mir au mol en lustige Nochmittag i de Kaplanei wo aber au selte ohni Action verlauft. Über en wiitere zu wilde mörderische Toaster würded mir üs alli mega freue!
Bis bald, Mörderische Toaster
Unsere Leiter/-innen:
Daniel, Janis, Janik
